O le Palemia o le Atu Kuki o Mark Brown o le a faimalaga ane i Niu Sila i le vaiaso fou ma o lana ulua’i asiasiga lea faalemalo talu mai le matāupu sa faalēlelei ai sootaga a atunuu e lua i le maliega na faia a le Atu Kuki ma Saina e le’i logoina ai Niu Sila.
Faailoa e le RNZ e fua i faamaumauga mai le ofisa o le Palemia o loo ta’ua ai, o le asiasiga lea e aofia ai ma se feiloa’iga ma paaga faalemalo, tau a’oa’oga ma le vaega tuma’oti e faasoa iai le Atu Kuki ma ni avanoa foi e ono faaauau ai pea le galulue faatasi.
Lipotia se faamatalaga mai le Palemia o Mark Brown e faapea o le faigāmalaga o se avanoa e faalogologo ai foi i ona tagata i Niu Sila ma faasoa.
Ua fuafua o le a ia faia le saunoaga autū e faailoga ai le 60 tausaga o faatautaia lava e tagata Atu Kuki lo latou atunuu ma o lea sauniga e faia i Ueligitone.
Puna o Faamatalaga: https://www.rnz.co.nz/international/pacific-news/589231/cook-islands-pm-mark-brown-set-for-first-major-new-zealand-visit-since-diplomatic-row
