E silia ma le 800 fale fou ua fuafua o le a fausia i nofoaga eseese i le atunuu, o se vaega lea o se faiga fou tau inivesi ua folafola e le minisita o fale Dr Megan Woods.  

Fai mai le minisita o fale o le a fausia i totonu o le 20 tausaga i pitonuu poo faaitu e aofia ai Rotorua, Omokoroa, Kaikoura, Otaki, Napier, Gisborne ma New Plymouth. O le Bay of Plenty le isi faaitu o le a telē foi se aogā iai o le faaputugatupe lea auā e silia ma le 5,600 fale o loo fetaua’ina mo le faaitu lea e aofia ai ma le 123 miliona.  

I lona tuuaofa’iga e pei ona lipotia e le Newstalk o loo fuafua le malo e faaalu le vaega tupe e 179 miliona i le atunuu atoa mo le faia o vaega e pei o auala ma paipa.