Fai mai e fa lelei taavale na lavea ai le tagata na savali ane I le Waikato Highway I le po o le aso toonai na tea nei ma na maliu ai lava I le nofoaga na lavea ai. Lipotia e le Stuff na agai ane iai le fesoasoani faavavave poo le tea laititi o le afa o le 8 ile po lea ma o lipotia ua taua ai na savali ane le tagata lea I luga o le state highway 1 I Pairere I Tirau ma lavea ai I taavale e pei ona taua.
Ua taua e leoleo o suesuega amata ile faalavelave ua faailoa ai e foliga e tolu taavale na lavea ai ae fai si tele o telefoni na valaau ane I leoleo mai le au faitaavale I lea faaitu ma o loo galulue leoleo I le faafesootaia o nisi ile mataupu lenei.
O nisi faamatalaga o loo taua ai e foliga na lavea ile taavale muamua ona sosoo atu ai lea ma le toe aafia foi I isi taavale e lua mulimuli ane. E le o mailoa ile taimi nei poo ai tonu sia tagata ua aafia ae pe aisea foi ua savali ai I luga o se tasi o auala aupito pisi I lea foi faaitu.
