E foliga e eseese tali a le Peresetene o Amerika i le taua i Sasa’e Tutotonu e pei ona ta’ua i lipoti a le CNN.
Fai mai lipoti i se tasi o faatalanoaga a le Peresetene na faia na ia ta’ua ai ua toeitiiti mae’a le taua ae mulimuli ane i sana saunoaga na faia i le Maota, House of Republicans na ia ta’ua ai e le’i lava le latou manumālō.
I se feiloa’iga ma tusitala na ta’ua ai e Trump e silia ma le 5 afe nofoaga na taula’i iai osofa’iga a Amerika i Iran ua faaleagaina ae o loo tuu e le militeli nisi nofoaga mo se taimi mulimuli ane ne’i mana’omia.
Na ia ta’ua ai foi i lea faatalanoaga o le taua lea e i’u ina faaitiitia ai ma le tau o le suauu mo se taimi umi.
I se faamatalaga mai se sui o le atunuu o Iran ua lipotia i le CNN ua ta’ua ai ua sauni Tehran mo se taua umi ma faailo ane foi o loo iai le naunauta’iga e faaauau pea ona o latou osofa’ia atunuu i le Vaifagaloa o Peresia, le Persian Gulf.
Puna o Faamatalaga: https://edition.cnn.com/world/live-news/iran-war-us-israel-trump-03-09-26
