O le pisinisi e faagaioia i luga o upega tafailagi e igoa o le Redbubble ua faatonuina nei e le faamasinoga ina ia toe totogi le vaegatupe e 78afe agai i le kegi a le Hell’s Angels ona o le faatauina o aitema o loo faailoa ai le logo a le kegi.
Fai mai le 9News o le faai’uga a le faamasinoga o le faalua ai lea ua faia faasaga i le kamupani lea i totonu o le tolu tausaga, na faasala foi muamua e totogi le 5 afe mo le faatauina o aitema o loo maka ai le faailo a le Hells Angels i le 2019.
Sa o latou finau ane ua iai mea ua suia ma aveesea peitai fai mai le faamasinoga e lē o aogā lea faiga.
