Ua saunoa le palemia ole atunuu, Jacinda Adern o loo silasila le malo I le toe tuu mai I luma o aso e tatala ai tuaoi o le atunuu.
Ole taimi nei e nao tagata ua maea ona faia uma tui puipui o le koviti 19 o loo faataga ona malaga mai mai Ausetalia, o I latou mai atunuu e faaaoga ai visa waiver, tagata o loo umia se visa e malaga mai ai I Niu Sila atoa ai ma tagata o loo umia visa faigaluega ,accredited employer work visa, e mafai ona ulufale mai I le atunuu ia Iulai pei ona lipotia e le One News.
O loo fuafua foi e tatala atoa tuaoi o le atunuu mo tagata asiasi mai mai soo se vaega o le lalolagi, ile masina o Oketopa ae ua faailoa e Adern ile Breakfast show o loo vaavaai nei le malo ile tuu mai I luma o ia aso mae talitonu e mafai ona faatinoina male saogalemu. O le vaiaso nei la ua taua e le palemia o le a tuuina mai ai seisi faasilasilaga e faatatau I lea mataupu.
O pisinisi tau tulisi ile atunuu o loo valaau pea ina ia faatino le tulaga lea.
