I Ausetalia ua faailo o le siitia o le tau o le suāuu ua silia nei i le 2 tālā Ausetalia i le lita e ono oo ai ma le tau o oloa i se siitaga e sili atu ma le lima pasene, o lapata’iga ia mai le aupopoto i tulaga tau tupe ma le māta’itūina o le tamaoaiga o le atunuu.
O le vevesi i Sasa’e Tutotonu ma le polokaina e Iran o le Strait of Hormuz lea e ui ai vaa suāuu ua aafia tele ai le au faitaavale ona o le tau o le penisini.
Ua amata maitauina le siitaga foi i le tau o nisi o oloa ma e lē taumate o le a faalogoina i le tele o atunuu ia aafiaga.
Fai mai le teutupe a Ausetalia o Jim Chalmers i le lipoti a le 9News, e tatau ona sauni le tamaoaiga o Ausetalia i tulaga ogaoga o le a iai ma e lē o mautinoa ae e foliga e matua’i tetele ni suiga o le a iai.
Puna o Faamatalaga: https://www.9news.com.au/national/panic-buying-fuel-shortages-australia-inflation-hits-five-per-cent/be00a858-4fb3-417a-8452-a501dc97f297
