E manatu le faipule o le Leipa, Michael Wood o le taimi nei e lē o le taimi tonu lea e tatau ona faia ai se su’esu’ega i le tali atu i le tulaga tau le tamaoaiga i le faama’i koviti 19 ona o loo malosi pea le pepesi a le faama’i i le taimi nei.
O se su’esu’ega ua lagolago iai le vaega faaupufai a le National, ACT, le Greens ma isi foi e aofia ai ma lē sa avea ma ta’ita’ifono o le Reserve Bank lea e talitonu e tāua le malamalama i ni mea sese sa faia ma ono ‘alofia ai le toe tulai mai o lea tulaga i le lumanai.
O sea ituaiga su’esu’ega e ono vaai ai i le tulaga o tupe faaalu e le malo i le lua tausaga talu ai aemaise o aafiaga o gaioiga a le Reserve Bank. Fai mai Wood e lē o le taimi lenei o sea faatatau. Fai mai foi le minisita o tupe Grant Robertson o lea sa tele lava avanoa e fesiligia ai le malo e tusa o lana tali atu i le faama’i i le tulaga o tupe faaalu ma o le a iai foi se taimi talafeagai e toe silasila ai i lea tulaga.
