E lē agavaa le Family First o se Charity ma o le i’uga lea a le faamasinoga maualuga.
O le tausaga e 2013 na sau ai le faai’uga a le Charities Registration Board e lē tatau ona toe agavaa le Family First i lalo o faamalumaluga a charities i totonu o Niu Sila ona e mafuli ana galuega fai i polokiki.
E ui na toe suia i le 2014 I faai’uga a le faamasinoga o apili, mai le faamasinoga maualuga ua ia toe faalēaogāina lea faai’uga.
O le i’uga ua tuuina mai o le lē agavaa o le Family First o loo fua lea i le leai o se penefiti o le komiuniti lautele mai ana auaunaga.
O se mataupu ua sau ai ma le fesili pe faamata e faafefea la isi charities ia e iai foi o latou piitaga i faiga faapolokiki.
Mai le faamasinoga, e lē aafia ai fua le lautele i le faai’uga pau o lea ia manino le faamoemoe e mafua ai ona faatū se charity.
Ae mai le sui o le pulega o loo vaaia charities i totonu o le atunuu, o se faai’uga ua moomia ai i le malo ona toe tagataga’i ia manino le uiga o le faamoemoe o faalapotopotoga nei ua ta’ua o charities i lalo o le tulafono.
