Ua lipotia i le BBC i le asō ua moni lava faatonuga o le lalolagi fou a Trump ma ua amata vaaia Europa ua faia vave a latou fetuuna’iga.
Ta’ua i le lipoti o Munich e iloa tele i ona faleoloa ma taavale fe’ilafi peita’i ua vaaia i le taimi nei i ona magāala le faapipii ai o faailo ma faasalalauga faapisinisi e faatatau i drones.
Ua faailoa foi i le lipoti o le itu i Saute o Bavaria ua avea ma nofoaga autū o tulaga tau le puipuiga ma le faatekonolosi ma ua taula’i ai le vaai i le AI, drones ma le poto faaonaponei e fausia ai taavale e mafai ona felelei.
Ua faailoa e le BBC o le i’uga o ni finagalo faaalia sa aoina ua iloa ai e silia ma le ⅔ o tagata Europa latou te lagona le faamata’uina o o latou atunuu.
O Siamani le atunuu mai lea faaitu o le lalolagi o loo malosi lona tuuina o fesoasoani tau militeli ma isi ia Ukraine aemaise ina ua taofia fesoasoani sa ave ane mai Amerika.
Puna o Faamatalaga: https://www.bbc.com/news/articles/cddn002g6qzo
