O le a tolu fu’a o le a agiagia i le alalaupapa tele i Sini, Sydney Harbour Bridge. Ua faailoa i lipoti i le asō mai le 7News ua ta’ua ai o le masina talu ai na faailoa ai o le toe faia se isi pou lona tolu i le ala laupapa mo se isi fu’a o le a mana’omia ai le 25 miliona, peitai la o lipoti lata mai ua ta’ua ai o le fu’a Apoliki o le a suitulaga i le fu’a a le setete o Niu Sa Uelese i luga o le alalaupapa ina ua toe faalēaogāina le faatatau sa iai muamua i se isi fu’a lona tolu.
O le amataga o le vaiaso ua faailoa mai ai e le Premier Dominic Perrottet le suiga lea ma ua ta’ua ua talafeagai. O le 25 miliona la sa fuafua e faaalu i se isi pou o le fu’a o le a faaaogāina i nisi fuafuaga. Na maitauina le agiagia o le fu’a Apoliki i le alalaupapa i le vaiaso talu ai lea sa faailogaina ai le NAIDOC week.
Ua lipotia foi mai Melepone le faia o le faai’uga talu ai nei e le faigamalo a Vitoria e faalealea ai le fu’a Apoliki i le itu i Sisifo o le alalaupapa i Melepone, le West Gate Bridge.
