Ua lē mafai foi ona taalo Will Jordan mo le All Blacks i le fetauiga ma le ‘au malosi a Aialani ona ua faamaonia le aafia i le Koviti-19.
O lipoti lata mai o tapenaga o lea taaloga ua ta’ua ai ua faaopoopo atu Jordan i isi alii o le ‘au David Havili ma Jack Goodhue lea foi ua aafia faatasi ai ma le alii faiaoga o Ian Foster ma faiaoga lagolago o John Plumtree ma Scott McLeod.
O Jordan sa fuafua e amata i le jersey 14 peitai la ua matala ai nei ma le avanoa mo Sevu Reece ma o loo iai foi fetuuna’iga i faiaoga o le ‘au ona o aafiaga i le faiaogaulu ma lagolago.
O le Aso Tofi o le vaiaso nei ua fuafua e faalauiloa ai le ‘au a le All Blacks mo le uluai fetauiga ma Aialani i le Aso Toonai nei.
