E silia ma le 200 avanoa faigaluega vāea na faailoa mai e le Waka Kotahi, Stats NZ ma le Matagaluega o Faamasinoga i le aoauli ananafi.
Mai le Matagaluega o Faamasinoga e silia ma le 100 avanoa faigaluega o le a lē toe iai, ma o le ‘afa o lea fuainumera e lē o iai nisi o galueaina i le taimi nei.
Na amata ai foi ananafi ona faitau le 4 vaiaso o faatalanoaga ma le aufaigaluega.
Mai le Waka Kotahi e 60 avanoa faigaluega ua toe faailoa mai ananafi, e ese ai le isi 183 na muamua faailoa mai.
O le tele o galuega vāea na faailoa mai ananafi o i latou nei i le vaega o feoa’iga, ma ua faia nei faatalanoaga seia oo atu i le aso 20 o le masina nei.
Ae mai le vaega o faamaumauga poo le Stats NZ, ua faamaonia mai ananafi e 84 tagata faigaluega ua taliaina voluntary redundancy.
O lea 84 e ese mai lea mai le 29 na faailoa mai i le masina o Tesema.
Puna o Faamatalaga: Waka Kotahi, Stats NZ, Ministry of Justice announce job cuts (1news.co.nz)
