O le a toe foi mai le Sichuan Airlines i Niu Sila.
O taimi o le Koviti na taofia ai ma auaunaga a le kamupani vaalele mai Saina ona ia toe afea Niu Sila, peitai o lea ua faamaonia mai e le malaevaalele i Aukilani o le masina fou e toe foi mai ai.
O le toe foi mai o le Sichuan o lona uiga o le a ono iai kamupani vaalele e tautuaina tagata feoai i le va o Niu Sila ma Saina, ma o lea ua toe foi i le numera na iai i le 2019 a o lei sau le Koviti.
O le isi lea tala fiafia mo le malaevaalele a Aukilani, lea e lei mamao atu ona faailoa mai le matatia na ia ausia i pasese feoai i le va o Niu Sila ma le malo tele o Amerika i le va o Novema ma Fepuari, lea e faapea e tusa ma le 500,000.
