Ua folafola mai foi e Initia ma Kanata nisi o maliega ua taunuu iai a latou feutana’iga e aofia ai ma se maliega tau niukilia e 10 tausaga lona umi.
O lea faaaliga ua faia mai i le mae’a o le feiloa’iga a Palemia o atunuu e lua i Delhi ma toe faatulaga ai sootaga sa aafia ona o tulaga faaupufai o malo.
O le Palemia o Initia o Narendra Modi ma le Palemia o Kanata o Mark Carney ua o la tuufaatasia maliega e aofia ai matāupu tau tekonolosi, minerale, itu tau le puipuiga ma a’oa’oga.
O le tula’i mai o Carney i le tofi Palemia o le atunuu o Kanata ua toe faaleleia ai le sootaga o atunuu e lua sa iai se aafiaga talu mai le taimi o Justin Trudeau.
O le mae’a ai la o le malaga a le Palemia o Kanata i Delhi ua ta’ua ai le faatulaga o lana malaga i Ausetalia ma Iapani, o se vaega o taumafaiga ia faaleleia le itu tau fefaataua’iga a Kanata ma valaaulia nisi inivesi fou i lo latou atunuu.
Puna o Faamatalaga: https://www.bbc.com/news/articles/cx24gl7jrgno
