O le toatele o tagata maliliu I Niu Sila ona o le Koviti, o I latou nei na faamauina I totonu o le tolu masina ua alu ao malosi le Omicron lea ua aafia ai le faitau selau afe o tagata Kiwi 

Ae e le I oo mai le Omicron, o lea sa na o le 26 tagata maliliu ona o le vairusi ma le uluai galu na tatou feagai ai, ese ai le 29 ona o le Delta 

O le toatele o tagata maliliu e mai le aai tele i Aukilani, 203, ma o le itupa o alii o loo toatele ai   
I ripoti a le Herald e latalata I le 170 tagata matutua maliliu ma o I latou nei sa nonofo I nofoaga o loo nonofo ai tagata matutua 

E oo mai I le taimi na tuufaatasia ai tala o le taeao 516 tagata Kiwi maliliu ona o le Koviti, ma e ui I lea fuainumera I le mau a le soifua maloloina o loo maualalo lea faatusa I isi atunuu lea e tai tutusa le toatele o ona tagatanuu ma Niu Sila