Ua teena e le Peresetene o le Senate a Palau o Hokkons Baules tuua’iga a Amerika ua faia faasaga ia te ia ona o lona auai ai i ni tulaga lē sa’osa’o na faia e aofia ai nisi e faamautū i Saina.
Lipotia e le RNZ o faamatalaga mai le State Department a Palau ua ta’ua ai le soona faaaogā sesē e Baules lona tulaga e taliaina ai nisi o mea na ave ane ina ua faia se galuega faafaufautua ma le lagolago mo le malo ma pisinisi e aofia ai ma ni mana’oga tau solitulafono mai Saina.
Fai mai Baules na te lē iloa se solitulafono o loo ia aafia ai i totonu poo fafo mai foi o Palau.
Ua ta’ua i le lipoti le faaaliga mai le US State Department e lē toe faatagaina ai lea alii ma lona aiga ona toe ulufale atu i Amerika.
O le tali a Baules i lea tulaga e lē afaina o le latou lea faitalia ma e lē o tagi foi e fia alu i Amerika ae afai e iai ni faamaoniga o ia tuua’iga e lelei ona faailoa ane i Palau ona fai ai lea o lana faai’uga e faamavae ma le Senate pe afai ua ia soli le tulafono.
Puna o Faamatalaga: https://www.rnz.co.nz/international/pacific-news/588376/palau-s-baules-rejects-corruption-allegations-in-us-designation
