Ua talosaga le National agai I le malo sei faamama avega I le atunuu e ala I le tuu mai I lalo o lafoga
O le tau o le soifuaga ua faaopoopo I le silia ma le 11.5% I totonu o le 4 tausaga talu ai
Ao lauga ai la le taitai o le National, Christoper Luxon ananafi na ia faailoa o le a tuu mai I lalo e le National lafoga totogi pe a o latou tauavea le malo
Ua talosaga tuusao ai Luxon agai I le minisita o tupe, Grant Robertson e toe fetuunai income tax thresholds poo le maualuga faatapulaa o loo fua iai le pasene o lafoga a tagata o loo totogi
O se faatulagana o le a faasaoina ai tupe a tagata totogi lafoga e le gata I tagata faigaluega ae faapea tagata matutua o loo tala a latou Super
O se suiga e talitonu Luxon o le a le toesea mai ai tupe faaagaga mo isi auaunaga e iai le soifua maloloina ma aoga, peitai e na o le $6 piliona faasili a le malo na faailoa mai ia Tesema mo le paketi o le tausaga faaletupe lenei e 2022
Ae mai le minisita o tupe, e le o fetaui I lana faaopoopo matematika a le National
