E lua afi na sasao ane i Aukilani i le po anapo o loo faia nei iai suesuega a leoleo.
Fai mai o le tea laititi o le 8 i le po anapo na valaau ane ai leoleo ma le fuimu i le Zion Hill Birkenhead Methodist Church e pei ona lipotia e le Herald i se afi na sasao ane ai.
Fai mai e 6 taavale a le fuimu na agai atu ai ae na o sina afi laititi na sasao ane i se tasi itu o le nofoaga ae i ni nai itula mulimuli ane ae toe valaau atu foi leoleo ma le fuimu i le falesa lava lea ina ua sasao ane ai foi se isi afi i le puipui o se tamai fale i lea lava nofoaga.
Fai mai se sooupu a le Fuimu o loo silasila le auaunaga i nei mataupu uma e lua e masalomia ai se tagata a o faagasolo ai suesuega a leoleo e iloa ai le tulaga tonu na tulai mai.
O le lotu lea e i Onewa Rd i Birkenhead i le North Shore.
