Na savavali ese mai le aufaigaluega a le iunivesite o Otago a o faaauau ai pea le tetee o loo finauina ai le sii o totogi faapea le faaleleia o le auala o loo faatautaia ai galuega.
E faitau selau sui o le iuni na tetee mo le lua itula ananafi i Dunedin, ma o lea lava na alu le savali e ui i le timu.
O loo finauina e i latou nei le sii o totogi i le 8% ina ia faafetaui ma le taugata o le tau o le soifuaga ua iai nei.
Na molimau ai le sui o le iuni, e le o iai se suiga mai le malo lea o loo pulea le tele o tupe maua a le iunivesite.
Ae mai le pulega a le iunivesite e foliga mai e lei talitonu e oo i se tulaga faapea, e ui o loo ia ioeina e le o faigofie lenei taimi i le aufaigaluega.
O loo iai le faamoemoega o le iunivesite ia maua se maliega e filemu ai itu uma e lua i se taimi o i luma.
