Ua faailoa i lipoti i le asō ua fuafua le Consumer NZ e faaulu sa latou faaseā i le Commerce Commission ina ua iloa ua siitia e faleoloa, Fast Food Chains le tau o a latou oloa pe afai ae kilivaina.  

Faailoa e le Consumer NZ i le lipoti a le stuff.co.nz e faaopopo atu i tau o loo totogi mo le auaunaga o le kilivaina o meaai, ua toe faaopoopoo foi e fale’aiga i le atunuu ma isi tau i luga o le ‘au faatau mo aitema o loo manana’o e kilivaina atu ma ono solia ai ma aiaiga o le tulafono o Fefaataua’iga talafeagai poo le Fair Trading Act. 

I le mae’a ona maua atu o faaseā mai tagata faatau na su’esu’eina ai loa e le Consumer NZ tulaga ia ma iloa ai nisi o pisinisi ua o latou faia lea tulaga ma fai mai le ofisa sili o le Consumer NZ, Jon Duffy, e lē na o le pizza o loo matua’i vaaia le taugata, ae o isi foi aitema uma e 7 e aofia i le oka pe afai ae fia kilivaina.