E iva ni tofiga o le pulega o le taaloga lakapi i lo tatou atunuu o le a toe sailia i le fono faaletausaga a le Lakapi Samoa, ua faatulaga mo le aso 24 o le masina fou o Novema.
O ia tofiga e aofia ai sui e toafa o le Komiti Faatonu poo le Executive Board lea e toalua sui filifilia poo elected members ma le 2 o sui e tofia poo appointed members.
O le isi vaega o sui lea o le komiti e toalima poo committee members, e toalua o sui o le vetting, appointments and remuneration, ae toatolu o sui o le appeals tribunal.
Ua faailoa lautele e le Ofisa Sili o le pulega o le Lakapi Samoa le susuga Faleomavaega Vincent Fepuleai o ia foi o le failautusi o le Komiti Faatonu, le sailia o ia tofiga i le toe lua masina o loo totoe ona mae’a lea o galuega o lenei tausaga 2022.
O lea foi ua faailoa lautele e le Lakapi Samoa mataupu o lana fono faaletausaga e aofia ai le lipoti a le taitaifono, faapea le lipoti o tupe o le a tuuina atu i le mae’a ona sueina e se suetusi.
