Ua pue e leoleo nisi o le autetee na agai atu i le nofoaga o loo faia ai toe sauniga o Katinale George Pell i le St Mary’s Cathedral i Sini.
Ua alu lenei vaiaso o faailoa i lipoti i luga o televise ma leitio, le tetee atu o tagata na aafia i sauaga e pei ona feta’ua’ina ma aafia ai Pell, aemaise foi o le finau a nisi o le Ekalesia Katoliko e lagolagoina le Katinale.
O le faataunuu ai la o ona toe sauniga i le asō ua vaaia ai le faatumulia o le malumalu o le sauniga e le gata i ē sa avea muamua ma palemia o Ausetalia e pei o John Howard, Tony Abbott, peitai e lei auai le Palemia ma le Premier o le setete.
Sa faatumulia foi fafo mai o le malumalu i le autetee, ua vaaia ai le pueina e leoleo o nisi ma avatu i le taavale a leoleo.
Sa faia foi feutanaiga a leoleo ma sui o le autetee i le mataupu lea ma faataga ai loa ona agai ane ae ese foi se isi vaega o le alatele o le a faatagaina ai.
O loo tumutumu ai leoleo i le faaitu lea mo le leoina o le filemu seia oo ina teuina le tinomaliu o Katinale Pell.
