E lua vaiaso ua tuu atu e le ta’ita’i o le Itu agai i le susuga Papalii Panoa Tavita Moala e faatoese ai i le aulotu Katoliko a Siusega, ona o le tuua’iga a lea tamalii na ia faailoa ai e 15 eka o fanua o le NPF na fai ai faailoga o le lūlū a le ekalesia, i se mana’o o le ta’ita’i o le Itu agai a o avea ma Palemia ma Minisita o lea faalapotopotoga a le Malo i le 15 tausaga ua tuanai.
O le finagalo o le susuga Tuilaepa L Sailele Malielegaoi sa faailoa i se faatalanoaga ma le TV1 na tali ai i le tuua’iga e pei ona faailoa e Papalii i le feiloa’iga ma tusitala i le vaiaso nei. Ua faamālūlū Papalii i le ekalesia ae na te lē talia le finagalo o Tuilaepa.
Le susuga Papalii Panoa Tavita Moala i le feiloa’iga ma tusitala. O le 15 eka na faaalia muamua e lea tamalii na faaaogā i faailoga o le lūlū, o lea ua ia toe faailoa e sefulu ina ua faailoa e Tuilaepa e lē 15 eka o fanua o le NPF na fai ai faailoga o le lūlū.
Ua faailoa foi e Papalii Panoa Tavita Moala i le feiloa’iga ma tusitala i le vaiaso nei, ua faailoa atu e le NPF ia te ia ua mae’a ona totogi atu tau o fasi fanua.
