O le faamanatuina o le 19 tausaga o le auaunaga a le kamupani vaalele a le Jetstar o le a maua ai le avanoa o se tagata Ausetalia e toatasi e maua ai malaga le totogia i le Jetstar mo le tausaga atoa.
Fai mai se faamatalaga o lē o le a faamanuiaina i lenei ofo a le kamupani o le a tuuina iai faigamalaga e 12 i totonu lava ia o Ausetalia ma le ono o faigamalaga i atunuu i fafo i le alu ma le sau.
Fai mai o le asō e amata ai lea tausinioga seia faamuta i le aso 31 o le masina lenei ma e mafai ona agai i le upega tafailagi, o le instagram a le jetstar ma tali le fesili o loo iai ona mafai lea ona auai i le tauvaga.
O le a fili mai ai e le kamupani le toa 19 aupito lelei ma mālie a latou tali e faaauau i le vaega lona lua o le tauvaga lea o le a tuuina atu ai ni tamai videos e faailoa atili ai le faaatoaga o le tali i le fesili, a mae’a ona fili loa lea e le kamupani lē o le a faamanuiaina.
O le aso 5 o le masina fou o Iuni ua fuafua e tatau ona faalauiloa ai le tagata o le a faamanuiaina.
E tatau ona 18 tausaga ma sili atu ma o se tagata e aumau i Ausetalia.
