Ua ofo mai le Gold Coast latou te talimalo i nisi taaloga o le Olimipeka pe a oo atu i le taimi o lea faamoemoe e le’i fausia ma faaleleia stadiums i le Sunshine Coast.
Sa folafola le faia o ni galuega tetele mo le toe faaleleia o stadiums i le sunshine coast atoa ma se isi nofoaga fou mo taaloga e talimalo ai i le Olimipeka o le 2032 mo taaloga o le soka ma le basketball peitai ua faailoa e le faigamalo a Kuiniselani i se taimi e le’i mamao atu o le tau o stadiums ia sa fuafuaina ua siitia mai le $290 miliona i le $410 miliona.
Lea la ua faailoa ane ai e le pulenuu o le Gold Coast, Tom Tate e fiafia lo latou faaitu e talimalo i nisi o taaloga pe a lē mafai ona faataunuuina i le sunshine coast auā ua vave foi le taimi.
O loo faatalia la se iloiloga a le malo o le a faia i tapenaga o ia taaloga ma ua faailoa e amata le iloiloga lea i le faai’uga o le masina nei.
Puna o Faamatalaga: https://www.abc.net.au/news/2024-11-22/cost-debate-gold-sunshine-coast-olympics-indoor-stadium/104611768
