O le tausaga lenei ua faailoa mai e i latou e masani ona faatautaiaina mea faapāpā poo fireworks i le ala laupapa i Sini o le a vaaia se faaaliga tele i le tausaga fou o lumanai ai ma o le a mafai ona maimoa mai iai le faitau piliona o tagata o le lalolagi.
O Fortunato Foti o le tagata autu lea e masani ona feagai ma le faamoemoe lea mo le 25 tausaga ma ua ia faailoa o le latou lava lea galuega o le faafiafia o tagata ma fai faaaliga mo latou ma o le aiga lea ua lauiloa foi i Sini i tulaga tau i mea faapāpā o loo latou faatauina.
Ta’ua e Foti i le 9 News o le tausaga lenei e lata i le 6 miliona lea ua faaalu i le faatinoina o lenei faaaliga ae pe a ma le 133 miliona se tupe e ono maua ai e le aai o Sini.
O mea faapāpā o le a faia mai i luga o le Opera House aemaise le Harbour Bridge ma o le a sili atu nai lo tausaga ua tea.
