Ua faamaonia mai o se ulugalii mai Adelaide lea ua pu’eina ona o le faia o ni talosaga sese e faapea o le la tama ua aafia i le kanesa ina ia maua ai le faitau afe o tupe o foa’i a tagata na fai ane iai.
O lipoti lata mai a le ABC ua faailoa ai e leoleo o le ulugalii lea na o la selepoo se’i tulou le ulu o le la tama tama e 6 tausaga, tuu i se wheelchair ma ni mea faapipii i lona tino e foliga ai faato’ā mae’a ona faia togafitiga, radiotherapy.
O loo feta’ua’ina o foai na o la sa’ilia mo le faia o togafitiga o le tamaitiiti e oo atu i le $60 afe ma sa foa’i ane e tagata i totonu o le 2 vaiaso.
Fai mai leoleo ua o latou faamaonia e leai ni togafitiga o faia o le tamaitiiti ae ua iai aafiaga o nei gaioiga sa faia i le mafaufau o le tamaitiiti.
O le ulugalii pei ona ta’ua e ta’i 44 tausaga le matutua ua molia nei i lea mataupu e aofia ai ma moliaga o le taufaasese ma ua tuuina atu le la fanau e vaaia e nisi o o la aiga a o faatalia ai le faamasinoga.
Puna o Faamatalaga: https://www.abc.net.au/news/2024-12-13/sa-child-neglect-arrest-alleged-fake-cancer-claims/104721200
