Ua molia nei se tamaitai i le itu i Matu i Sisifo o Sini i le fasioti tagata ma o loo feta’ua’ina sa ia taumafai e faamalemo se pepe tama 10 masina le matua.
Na ta’ua e le alaata 9 a Ausetalia na maua atu le pepe tama lea i se fale i le faaitu e igoa o Berowra Heights i le aso 21 o Mati ua le o tali ane i togafitiga sa taumafai atu iai paramedics ma ave atu ai loa i le falemai o tamaiti i Westmead mo togafitiga.
Na faia suesuega a leoleo i le fale o le aiga lea ma fesiligia ai le tamaitai 30 tausaga sa iai i le falemai.
Na pueina ai lava e leoleo ma ua molia nei i moliaga e lua o le taupulepule e fasioti.
Na uma le ola o le tamaititi i le falemai i le aso 23 o Mati ma ua toe suia ai moliaga i le fasioti tagata ma le taupulepule e fasioti ma sa teena le tatalaina i tua o lea tamaitai.
O le aso 18 o Me e toe fofogaina ai le mataupu lea i le faamasinoga ae le o iai se faamaoniga i le taimi nei pe o le tina lea o le tamaititi.
