O le a maua le avanoa o se tasi alo o le atunuu ia Roger Tuivasa Sheck e taalo ai mo le All Blacks i le taaloga o le a sosoo ai ma Aialani i Ueligitone.
O loo mata’itu e le to’atele tapenaga a le ‘au mo le vaiaso nei talu mai le faia’ina ia Aialani i le taaloga talu ai. Fai mai Tuivasa i le One News o avanoa faapea e lē aumaua, o lana lea vaai iai. Na ia ta’ua o se moemitiga aemaise o le naunauta’iga ia avea ma tagata taalo aupito lelei i le lalolagi ma o avanoa ia e faamaonia ai ia tulaga.
Faailoa e Tuivasa Sheck mo ia o le maua o le avanoa o le miti lea a soo se tagata taalo ma o loo lelei tapenaga i le camp a le ‘au e ui i le mau finagalo faaalia i tua mai ona o le faia’ina talu ai aemaise o le pa’ū atu o le ‘au i le tulaga fā i le faatulagana o ‘au i le World Rugby Global Rankings i le vaiaso nei.
