O le asō foi ua tatala uma ai faitoto’a o Niu Sila i tagata asiasi mai atunuu o loo moomia le iai o visa malaga poo non-visa waiver countries.
O le toe minute i le sefululua anapo na mafai ai e soo se tasi mai soo se vaega o le kelope ona toe ulufale mai i Niu Sila i le mae’a ai o le silia ma le lua tausaga o tapunia ona o le Koviti.
E ui o lea na amata matala ia Aperila o le 2021, peitai o le to’atele e le’i mafai.
Ua tatala ai foi ma le avanoa i fanau aoga mai atunuu i fafo e talosaga mo visa i Niu Sila, ae le gata i lea o meli ma vaa tetele ua mafai nei ona toe taula ma asiasi mai iinei.
O se fiafiaga tele i le maketi o turisi a Niu Sila a o toe faaolaola ai lona tamaoaiga mai aafiaga o le faama’i.
