E 50,000 tagata e moomia ona aveese mai le penefiti o le Jobseeker Support lea o loo manao iai le Malo, ae agai e faigaluega.
O se tasi lenei o sini o vaega e iva na fofoga mai e le Palemia ananafi, Christopher Luxon ma o le tuuitiitia o tagata i le penefiti ua ta’ua o loo taitaia e le Minisita o le Social Development, Louise Upston, mai le 190,000 tagata sa iai i le 2023 i le 140,000.
I lona aotelega o le 13 tausaga lava lea o loo tele ina iai le toatele i le penefit ua ta’ua o le Jobseeker, a o talavou mai le 18 i le 24 tausaga o le 19 tausaga le umi lea o loo tala penefiti ai.
O faamaumauga nei o loo sau ma le lipoti ma o loo ta’ua ai o le naunautaiga ia galulue tagata na i lo le faalagolago i le penefiti o le mafai lea ona tutoatasi ma manuia ai aiga.
O le a tulimataia i faamaumauga e faailoa mai e le matagaluega a le Social Development i vaiaso taitasi le agai i luma o lenei fuafuaga.
Puna o Faamatalaga: Government releases nine new targets for health, crime, employment, education, housing and climate change | Newshub
