O le naunautaiga o le Palemia o Niu Sila, Christopher Luxon o le mafai lea ona saga faamalosia faiga faapaaga ma le Atu Asia i Saute i Sasae.
O le Aso Sa a sau o le a tuua ai e Luxon Niu Sila ma le aumalaga e aofia ai sui sinia mai le vaega o pisinisi ae faimalaga atu i Singapore, Thailand faapea Filipaina.
O Singapore o le a muamua asia, poo le atunuu o loo maualuga ai inivesi faavaomalo a Niu Sila o loo iai, sosoo ai ma Thailand lea faatoa toe asia e se Palemia o Niu Sila talu mai le 2013.
O se faigamalaga o loo maualuga le faamoemoega o le Palemia ia toe faamausali a o iai Niu Sila i taumafaiga o le toe tau faatulai mai o lona tamaoaiga ma e matuai moomia tele le atu Asia i Saute i Sasae mo sootaga faapisinisi ma fefaatauaiga.
O Filipina e faamuliga iai le faigamalaga, a o lei toe taliu mai i le aso 20 o Aperila.
Puna o Faamatalaga: Luxon to visit Singapore, Thailand, Philippines to deepen SEA ties (1news.co.nz)
