E autasi le taofi o le taitai o le National ma le tamaitai palemai e ala I le le feiloai ma tagata tetee o loo I fafo o le maota fono
O loo lagolagoina e Christopher Luxon le faaiuga a Jacinda Ardern e le feiloai I tagata o loo alalaga atu I fafo ona o upu ma faailoilo tau faamatau lea ua oo lava I le ola ma le oti o le au fai polokiki
Talitonu Luxon e iai le aia tatau e solo tetee ai ae tatau foi ona faia I totonu o tulafono
O lea ua iu ina agai ese le taitai o le National mai lona apartment toe faaopoopo ana sikulati mo lona saogalemu ona e nofo latalata I le nofoaga o loo faamaopoopo ai le au tetee
E ui o lea na talosaga le au tetee e le o ese pe a le o ane le malo latou te feutagai, peitai I le tali a Jacinda e leai, ona a fua I uiga vaaia ma faailoilo a le au tetee o loo I fafo e le o ni tagata o loo mananao e soalaupule I se auala faaletulafono
