Ua ta’utino le malo na te lē iloaina pe toafia tagata na omai mai atunuu mamao na sese i visa faigaluega lea ua toe suesueina nei e lei sa’o ona fai.
Ua sau ai i le asō na faalauiloa ai le support package mo tagata aafia, ma pau le faatusatusaga mai le minisita o le Immigration, Andrew Little, pe a ma le 250 tagata faigaluega na faavalea i visa faigaluega nei.
I le fesiligia ai o le minisita pe toafia sa’o i latou ua tuuina atu iai visa ua ta’ua o migrant exploitation protection visa, na tali le minisita e tusa ma le 250.
E oo mai lava i le taimi nei o loo faaauau pea suesuega a le Immigration a Niu Sila i le faiga na faagaioi ai ma talia visa ua ta’ua o accredited Employer Work Visa mo tagata faigaluega nei na pelogia.
O le support package ua tuuina mai o loo aofia ai le fesoasoani tupe mo fale o loo faamautu ai faapea ai le fesoasoani mo essential living costs.
E tatau ona oo atu ia Tesema ua faamae’a suesuega o loo faia nei a le Immigration.
