Ua faailoa le le fiafia o le au faasalalau a le malo o Saina ona o gaioiga ua faia ele puleaga a Trump I le atunuu o Taiwan. Ua tuuaia ai le failautusi o le setete o Mike Pompeo ile taumafai ina ia faia se maka poo se faailo e umi ona mailoga I le va o fesootaiga a Saina ma Amerika.
O se tusitala foi I le Xinhua News Agency na ia taua I se faamatalaga ile televise e faapea ole aveesea o nisi o sa na iai ile fesootaiga a le malo o Amerika ma sui o Taiwan ua faamaonia ai e nao le pau lea ole tulaga na agai iai le finagaloo le alii failautusi ae le o iai se manatu ise filemu o le lalolagi. Ua faailoa mai lenei lipoti ao iai pea amerika ise tulaga le mautonu I lana faigamalo I tulaga tofi ole peresetene.
O le aso 20 o Ianuari e tatau ona amata faamamalu ai le avea o Joe Biden ma peresetene.
O le mataupu lea ia Taiwan o se mataupu maaaleale mo Saina ile vaega faaupufai ale Komenisi lea e manatu e tatau ona I lalo o le latou vaavaaiga.E le o iai se faamatalaga a le failautusi o le malo o Amerika o faia mai I le lipoti lea e tali atu ai I faamatalaga a sui tusitala o le malo o Saina.
