Mai Niu Sau Uelese e le o iai lava se faaitiitiga I le aofai o tagata aafia I le koviti 19 mai lea faaitu o Ausetalia.
O le aso ua faailoa ai e le premier o le setete e 356 cases fou ua faamauina I le 24 itula talu ai ma le toafa o isi tagata ua faaopoopo atu I le au maliliu mai le faamai.
O I latou uma ia e pe a ma le tai 80 tausaga le matutua ma ua oo atu ai le aofai o le au maliliu I le 32.
Mai le aofaiga lea e 356, o le 209 o I latou ia e le o iai ni o latou sootaga I tagata ua maea pesia ae 57 o I latou ia sa iai pea I le komiuniti ae ua aafia, ae o loo faia pea le suesuega I leisi vaega.E silia ma le 95afe test poo siaki sa faia I totonu o le 24 itula talu ai mae ua unaia pea le faia o tuipuipui.
Faamanino foi e le premier o le ituaiga variant lea o le Delta e ese mai I le vairusi na amata mai ai le koviti 19 ma e malosi atu le Delta.
Ua oo atu nei I le 80 pasene o le setete ua faia iai le tapu mae ua faaopoopo ane foi isi pitonuu e pei o Tamworth ma Byron Bay. Ua faamalosia foi le nonofo I le fale ma le faatagaina o nisi e asiasi atu I o latou fale e oo foi I aiga ma uo.
