O loo sa’ilia e leoleo mo le lokaina se alii e faamatalaina o se tagata mata’utia e fesoota’i ma se faalavelave e aofia ai se laaumalosi i se vaega o Aukilani i Saute.
Fai mai leoleo, o loo latou sa’ilia ni faamatalaga i se mea o iai le alii o Nigel Edwards, e 41 tausaga o lona soifua.
O le aso 8 o Mati na tula’i mai ai lea faalavelave i Papakura lea e aafia ai Edwards e faapea sa ia faaaogāina se laaumalosi.
Ta’ua e leoleo, e tele nisi sa latou fesiligia i le tau sa’ilia o lenei alii i le vaiaso talu ai.
Fai mai leoleo, ia faaeteete lava ia aua ne’i faalatalata se tasi i lenei alii, ae afai e iai se tasi e vaai pe silafia soo se faamatalaga i lenei tagata mata’utia, ia vave ona vili leoleo i le 111.
E mafai foi ona faailoa faamatalaga i leoleo e ala atu i le numera 105 e faaaogā ai le reference number 260308/7975.
Puna o Faamatalaga: https://www.nzherald.co.nz/nz/crime/police-warn-public-as-wanted-man-nigel-edwards-sought-over-papakura-firearms-incident/HSVFNT7PTJE6NIXWAMUQ66XUGU/
