I lipoti lata mai o le taua i Sasa’e Tutotonu ua faailoa ai e le CNN le lapata’ia e Trump o Iran e faatatau i le tulaga o loo aafia ai lo latou atunuu i le taimi nei.
Ua ta’ua i lipoti a le CNN ua faailoa ane e Trump ia i latou o le big wave poo le galu tele o osofa’iga a Amerika e le’i oo ane ia Iran ae na ia ta’ua foi i isi ana faamatalaga e na te le’i aveesea le tulaga o le ave ane o vaegā’au a Amerika i Iran pe afai lava e mana’omia.
Ua faailoa foi i le lipoti le valaau ai o le failautusi o le puipuiga a Amerika o Pete Hegseth ia Iran ia faaaogā tatau le avanoa ua iai nei mo le suia o le faigāmalo.
I nisi lipoti lava mai Sasa’e Tutotonu ua faailoa ai le fetalia’i pea o osofa’iga a Isaraelu ma le vaega a le Hezbollah.
Na ta’ua i le lipoti le faamatalaga a Trump o le operation a le militeli a Amerika o loo fuafua i le umi pe 4 i le 5 vaiaso ae mafai lava ona faaumiumi atili atu.
Puna o Faamatalaga: https://edition.cnn.com/world/live-news/iran-israel-us-attack-03-02-26-intl-hnk
