15 nofoa sa I lalo o le vaega a le National ua faoa nei e le Leipa
O se tasi o nei nofoa autu ua aveesea mai, e aofia ai le itumalo o Ilam I Kalaiesetete lea ua silia ma le 20 tausaga o nofoia pea e le sa avea ma sui taitai a le National, o ia foi na faauluulu iai faiga faatosina poo campaign ale National o le faigapalota lenei, Gerry Brownlee
Ese mai ia Brownlee, o le faigapalota foi lenei ua faoa ai le nofoa o le itumalo o Nelson lea na muai nofoia mai e Nick Smith o le National mai le 1996, peitai o lea ua maua nei e le Labour
O le itumalo fou o Takanini lea faatoa tuufaatasia I le faigapalota lenei, faamanuiaina mai ai foi le Leipa ma ausia ai le 16 nofoa fou faaopoopo mo le vaega a le Leipa
I nisi lava o suiga, o lea ua toe sao mai le Maori Party, ae faatofa atu I le NZ First lea o loo taitaia e le sa galulue vaavaalua ma le tamaitai palemia ia Jacina i le paeaiga ua mavae, Afioga Vaovasamanaia Winston Peters ona o le le ausia o le pasene faatulagaina e nofoia ai e lana vaega le maota
O le malo ai o le tamaitai o Chloe Swarbrick mai Auckland Central, o lea faatoa toe 2 lea o ni sui faipule o le Green Party e faamanuiaina I nofoa o itumalo I le silia ma le 20 tausaga talu ai
Ae I sui momoe lava ia o le Pasefika ma lona faatulagana I le maea ai o le faigapalota ma le faitauga muamua, ua faamaonia ai le siitia o le fuainumera o sui faipule o ni tagata Pasefika I le faigapalota lenei a NZ, ma o le toatele o I latou nei o ni tagatanuu Samoa.
Pei ona ua toe tusi aao ai nei tagata palota ia Aupito William Sio, Carmel Sepuloni ma Kris Faafoi.
O le uluai taimi foi lenei ua momoe ai Anae Dr Neru Leavasa mo le itumalo fou o Takanini ao lea ua faamanuiaina.
Ua momoli ai le faamalo a le taitai o le National, Judith Collins ia Jacinda ma le Leipa, ma le toe filifilia e taitaia le atunuu mo le isi tolu tausaga, ma o loo lototele lava foi Collins e faaauau pea le tauaveina o lona tofi taitai
O le aso 6 o le masina fou e faailoa mai ai I tua le faitauga aloaiga o le faigapalota o lenei tausaga
Ese mai le faitauga o le palota, o le aso Faraile o le vaiaso fou, o le faailoa mai ai le faitaga le aloaia o referendums e lua lea na faia faatasi ma le faigapalota a NZ o lenei paeaiga
