Ua faailoa mai i lipoti mai le BBC e oo atu i le 40 pasene o vaega’au a Korea i Matu ua ma’umau soifua i le taua o loo faia nei i le itu i Sisifo o Lusia i le faaitu o Kursk lea o loo fetaui ai ma Ukraine ua atoa nei le tolu masina.
E lē o faailoaina sui ia sa talanoa ane i le aufaasalalau a le BBC ae ua o latou ta’ua mai le aofa’iga pe 11 afe o vaega’au a Korea i Matu sa auina atu i le taua, pe 4 afe ua aafia mai lea taua ma e talitonuina pe atoa se afe o fitafita ua fasiotia.
E ui i ia lipoti ae ua faailoa mai foi e se sui o le vaega o le militeli a Ukraine i lea lava lipoti o loo iai se faafitauli tele o loo feagai ma le autau a Ukraine i lea faaitu ma e matua’i to’atele le aofa’i o fitafita Korea i Matu ma ua o latou faaaogā ane metotia tau a le ‘au Lusia ma o loo faamoemoe i lo latou to’atele.
Puna o Faamatalaga: https://www.bbc.com/news/articles/c87djeezjxeo
