Ua lapata’i le Palemia o Isaraelu Benjamin Netanyahu i le Hamas pe afai e oo atu i le Aso Toonai e le’i faafoia ane pagota Isaraelu, o le a toe faaauau loa fetauiga i le va o itu e lua.

Fai mai Netanyahu i le BBC ua ia faatonuina le fitafita a Isaraelu ia faapotopoto uma i totonu ma faataalio i Gaza e tali atu ai i le gaioiga ua faia nei e le Hamas.

O le tali a le Hamas o loo taumafai pea latou e tausi i aiaiga o le maliega ma ua o latou tuuaia Isaraelu i le solia o aiaiga o le maliega e ala i le taofia o fesoasoani mai le oo atu i Gaza.

E oo mai i le taimi nei e to’a 16 tagata na ave faamalosi e le Hamas ua toe faasa’oloto ane ae silia ma le 48 afe tagata ua fasiotia talu mai vevesi i totonu o Gaza.

Puna o Faamatalaga: https://www.bbc.com/news/articles/c203lwx4vg4o