O le solia o aia tatau oloo tulai mai I totonu o niusila ina ua maea ai se lipoti mai le Komisi o Aia tatau ua iloa ai le eseesega ile faatulagana o totogi ma le le lava o avanoa faigaluega mo tagata pasefika.
O le mau lea mai le Komesina o Avanoa tutusa mo galuega poo le Equal Employment Opportunities Commissioner, Saunoamaalii Karanina Sumeo lea ua valaau nei I le malo ma pisinisi ina ia faia vave se faiga I lea tulaga aua talavou Pasefika I niusila.
Ole uluai lipoti lea faapea ua faalauiloaina ua aliae ai ia tulaga ma o le tulai mai o lea tulaga olemafuaaga leao le silasila o le komisi I le faia ose suesuega i le faatulagana o totogi ma eseesega, tulaga e faigaluega ai ma nisi o itu tau faailogalanu o loo taofia ai le suia o nei faiga.
Faailoa e Sumeo I le televise tasi I le aso ua tatau nei loa ona faia se faiga I le tulaga lea ua lipotia ma ua le toe fia faatali. O le umi e faataga ai pea le tulaga e tulai mai, o le a faauau ai pea foi ona tuuina atu se feau I tagata pasefika ma tamaiti e faapea e mafai ona e faatali pea ma e sese lea tulaga. Fai mai Sumeo afai ae faia loa se faiga I le tulaga lea, e ono iai ni ona itu lelei mo nisi vaega o niusila foi
