Ua faamaonia mai e ripoti le faaopoopo ai o le to’a 11 o tagata Fiti ua aafia i auga o le faama’i oti o le Koviti19 i totonu o lea atunuu ina ua maea ona faia nisi o suesuega a le Ofisa o le Soifua Maloloina ma maua ai nei tagata.
I le taimi nei o loo tālia e Fiti nisi o tui puipui o le Koviti mai Niu Sila ma Ausetalia ona toe faaauau loa lea o le faia o a latou tui puipui.
Ae mo Samoa lava ia o lea ua faamauina mai le to’a 23,448 tagata ua uma ona fai o latou tui puipui. I lea fainumera e to’a 13,210 Alii ae to’a 10,238 Tamaitai. O le vaai mamao a le Malo ma le Matagaluega a le Soifua Maloloina ina ia vave fai tui puipui a le atunuu auā le nofo saogalemu ma vave ai ona tatala alavaa a Samoa mo femalagaiga.
