Ua faia nei lava e nisi o nofoaga o loo nonofo ai tagata matutua a latou lava sa poo lockdowns auā puipuiga.
Mai le 23 tagata maliliu ona o le Koviti na lipotia mai ananafi, e to’atasi le tagata matua i luga o le 70 tausaga le matua e ese ai le to’atele o tagata matutua o loo aafia a o toe malosi ai le pepesi o le Koviti.
Ae i le aotelega o tagata maliliu ua lipotia, e silia ma le 90% o i latou e i luga o le 60 tausaga.
O le Eden Village ua faia lava lana faai’uga e tapunia ona faitoto’a mo se taimi lē tumau ona o le aafiaga o tagata matutua i le Koviti e pei ona lipotia mai ai le 16 cases ae to’avalu le aufaigaluega ua aafia.
Molimau ai le sui o le pulega i tala a le Newshub, o se faai’uga sili lea e taofiofia ai le pepesi o le Koviti.
Ese mai le Eden Village ua maua e tala fou e iai foi isi nofoaga i Aukilani ua faatapulaa le taimi poo le lē mafai lava ona o atu tagata o aiga i totonu.
