E 25 milona le tau o le nofoaga fou faaonaponei tau le puipuiga poo le cyber security centre ua faatūina nei i Sini ae e lē o faailoaina le vaega tonu o loo faamautu ai ona o tulaga tau le puipuiga.
O le faamoemoe o lea nofoaga fou e mo le malupuipuia mai faiga faaterorisi, faiga faasolitulafono e fuafuaina lelei ma hackers foi.
Fai mai le minisita o Victor Dominello e feagai ma ia auaunaga, o le galuega o loo faia e taofia ai le ausolitulafono ma e to’atele tagata ua aafia ai i nei ituaiga gaioiga.
O faamaumauga ma faamatalaga a tagata e tāua tele e faaaogā e i latou ia i luga o maketi faasolitulafono, ma o le faia o lea nofoaga o le a fesoasoani tele i le puipuiga o faamatalaga faapea aemaise i le taimi nei toeitiiti tagata uma e faaaogāina masini komepiuta, o telefoni ma isi auala o fesoota’iga faaonaponei.
