Ua faia le faaiuga a le faigamalo a Niu Sa Uelese o le a faasā le faaaogaina o telefoni i totonu o aoga ma o se tasi lea o ana polomisi sa faia i le taimi o le faigapalota na mavae atu nei a le setete.
O le premier fou o Chris Minns ua ia folafola lea faaiuga o le a faasā ai telefoni feaveai i aoga maualuluga uma a le malo poo public secondary schools e amata i le kuata fā o le tausaga nei.
Ua faamaonia mai e le premier o le a amata nei fesootaiga ma pulega o aoga ina ia faataunuu lea faaiuga ma ua oo i le taimi e kilia ese ai nisi o vaega o loo faalavelave i le faia o aoaoga i totonu o potu aoga.
I isi setete e pei o Vitoria na amata faasā ai telefoni i aoga a le malo i le 2020.
I Kuiniselani e le o iai se sā i lea tulaga ae o Ausetalia i Sisifo o loo faasā foi telefoni i public schools faapea foi i Western Australia ma Tasmania ae o Northern Territory o loo faasāina foi i aoga tulagalua uma.
