Ua faaopoopo sikulati e leoina le ofisa ma le aufaigaluega a le matagaluega mo tagata Pasefika.

O se tala mai lea a le minisita o le matagaluega ia Barbara Edmonds, ma ua faia ai i le mae’a ulufale faasolitulafono e alii toalua o le ofisa i Ueligitone i le vaiaso talu ai.

O i laua nei na oatu ma tu’ifesili le aufaigaluega i tupe faaalu a le matagaluega, poo tupe nei ua toe upuia ai le matagaluega mo tagata Pasefika i le faama’umau o tupe a tagata totogi lafoga, lea foi na manino mai lava i suesuega na faia.

E lē o faigofie i le aufaigaluega le mea na tupu i le vaiaso talu ai e tusa ma lipoti, ma o lea ua faaopoopo ai leoleoga.