E faitau selau afe paaga a le Genesis ma le Contact Energy o le a faaopoopo le taugata o kesi faapea pili o moli e amata i le masina fou.
E 11% lea o le a alu ai i luga le tau o le kesi mo paaga a pulega nei, ae o le Contact Energy o le a faaopoopo le 8% i pili o moli a le silia ma le 200,000 paaga.
I se saunoaga mai ia Deborah Hart o loo faatonu i le Consumer Advocacy Council poo le pulega na faavae e le malo e tu mo paaga poo tagata o loo totogi pili o moli, ua ia toe faamanatu i kamupani nei i le aafiaga o tagata i nei suiga ma e moomia foi le faamanino i tagata o le mafuaaga o le a sii ai le tau e totogi.
Ae i se faamalamalamaga mai le Contact Energy o nei siitaga o le a le aafia ai paaga o loo totogia pili o loo puipuia i lalo o konekarate ua ta’ua o fixed-price contract.
Ua māua e tala fou o lea ua maua e paaga a nei kamupani imeli o loo faamatalaina ai siitaga nei e amata aloaia mai le aso muamua o Novema.
