Ua faamautinoa mai le faasologa o taaloga lakapi ta’ito’afitu a malo o le taupulega poo le Commonwealth Games e pei ona malaga atu iai le autaalo a Samoa i Birmingham.
O le Manu Samoa o loo i le Pulu A faatasi ai ma Niu Sila, Egelani ma Sri Lanka. Ua faailoa foi e le World Rugby o le ulua’i taaloga o le a tala malae ai Egelani ma Samoa i le taamilosaga i le itupa o alii.
Ua mautinoa foi o taaloga uma o pulu poo pool games o le a faataunuu i le aso 29 ma le 30 o Iulai ae faagasolo ai semi finals ma play offs i le Aso Sa.
O le malae, Coventry Stadium o le a faataunuu ai taaloga ma ua amata faatauina pepa matamata mai le upega tafailagi birmingham2022.com.
